SECUREX KAZAKHSTAN 2026 КӨРМЕСІ ҚАЗАҚСТАНДАҒЫ ҚАУІПСІЗДІК ИНДУСТРИЯСЫН ДАМЫТУҒА АРНАЛҒАН ХАЛЫҚАРАЛЫҚ АЛАҢ РЕТІНДЕГІ ҰСТАНЫМЫН НЫҒАЙТТЫ – ІС-ШАРА ҚОРЫТЫНДЫЛАРЫ
2026 ЖЫЛҒЫ 21–23 ҚАЗАН АРАЛЫҒЫНДА АЛМАТЫ ҚАЛАСЫНДА «ҚАУІПСІЗДІК, ӨРТТЕН ҚОРҒАУ, АҚПАРАТТЫҚ ТЕХНОЛОГИЯЛАР, БАЙЛАНЫС ЖӘНЕ ДРОНДАР» АТТЫ 14-ШІ ҚАЗАҚСТАНДЫҚ ХАЛЫҚАРАЛЫҚ КӨРМЕ — SECUREX KAZAKHSTAN 2026 ӨТТІ.
Көрме жабдық өндірушілерін, инновациялық шешімдерді әзірлеушілерді, мемлекеттік органдар өкілдерін және сала мамандарын біріктіріп, Қазақстанның қауіпсіздік нарығын дамыту және халықаралық іскерлік ынтымақтастық үшін маңыздылығын растады.
Securex Kazakhstan 2026 көрмесіне алты елден — Беларусь, Үндістан, Қазақстан, Қытай, Ресей және Чехиядан 50 компания қатысты. Қазақстанды 23 экспонент, ал шетелдік елдерді 27 компания таныстырды. Сонымен қатар, компаниялардың 35%-ы көрме алаңына алғаш рет қатысты, бұл жаңа қатысушылардың Қазақстан нарығына деген қызығушылығын көрсетеді. Powerexpo Almaty және Plastex Qazaqstan көрмелерімен бірлесіп өткізілген іс-шараларға үш күн ішінде 4 979 бірегей келуші қатысты.
Securex Kazakhstan экспозициясы өнеркәсіптік және инфрақұрылымдық нысандарды қорғауға арналған өзекті технологияларды көрсетті: бейнебақылау жүйелері, қолжетімділікті бақылау және басқару жүйелері, өртке қарсы жабдықтар, ақпараттық қауіпсіздік, байланыс және ұшқышсыз авиациялық жүйелер саласындағы шешімдер. Мамандар үшін көрме әзірлемелерді салыстыруға, кәсіпорындардың нақты міндеттерін талқылауға және жеткізушілермен тікелей кездесуге мүмкіндік берді.
«Қатысудан күткен мақсаттарымыз толығымен орындалды. Біз барлық қазіргі серіктестерімізбен кездесіп, жаңа тапсырыс берушілермен ынтымақтастық перспективаларын талқыладық. Келушілер тарапынан біздің экспозициямызға айқын қызығушылық байқалды», — деп атап өтті «Энергоконтракт» компаниясының Закавказье және Батыс Қазақстан бағыттары жөніндегі жетекшісі Василий Сигнеев.
Securex Kazakhstan 2026 көрмесінің маңызды артықшылықтарының бірі 50 спикердің қатысуымен өткен кәсіби іскерлік бағдарлама болды. 21 қазанда жобалаушылар, энергетиктер және кешенді қауіпсіздік мамандарына арналған I Қазақстандық инженерлік форум алғаш рет өткізілді. Сарапшылар аса маңызды инфрақұрылымды қорғау, нормативтік талаптар, цифрлық шешімдер, жасанды интеллект пен роботтандыруды қолдану, сондай-ақ өрт қауіпсіздігінің инженерлік аспектілерін қарастырды.
22 қазанда «Өнеркәсіпке, қауіпсіздікке және экологияға арналған дрондар» атты II Dronex конференциясы өтті. Қатысушылар нысандарды мониторингтеу, өнеркәсіптік және инфрақұрылымдық міндеттерді шешу, сондай-ақ табиғатты қорғау қызметі үшін ұшқышсыз технологияларды іс жүзінде қолдану мәселелерін талқылады. Конференция заманауи қауіпсіздік жүйелеріндегі дрондардың рөлінің артып келе жатқанын көрсетті.
Көрменің практикалық пайдасын келушілер де атап өтті. «Көрме жаңа серіктестерді іздеуге жақсы көмектеседі. Мұнда шетелдік компаниялармен танысуға, ынтымақтастық шарттарын талқылауға, өндіріс басшыларымен жеке сөйлесуге болады», — деді Welding Company компаниясының менеджері Ислам Хайруллаев.
Securex Kazakhstan 2026 қауіпсіздік индустриясының дамуы цифрландырумен, автоматтандырумен, инженерлік жүйелерді интеграциялаумен және ұшқышсыз шешімдерді енгізумен барған сайын тығыз байланысты екенін көрсетті. Көрме бизнес пен мемлекеттік құрылымдар арасындағы кәсіби диалогқа ықпал етеді, қазақстандық және халықаралық компаниялар арасындағы байланыстарды нығайтады және технологиялық ынтымақтастық үшін жаңа мүмкіндіктер ашады.
Көрмеге Қазақстан Республикасының Төтенше жағдайлар министрлігі, Қазақстан Республикасының Ішкі істер министрлігі, Алматы қаласының әкімдігі, Қазақстан Республикасының Ұлттық кәсіпкерлер палатасы «Атамекен» ресми қолдау көрсетті.
Securex Kazakhstan көрмесінің ұйымдастырушылары — қазақстандық Iteca және «Атакент-Экспо» көрме компаниялары, халықаралық серіктесі — ICA Events компаниялар тобы.
